15 September 2016

Google Drive me Whats Data Backup kaise le?,Whats App par Image,Video Automatic Download Kaise Band Karey?

Whats App Backup in Google Drive:-

Dosto Pichle Article Me Maine Bataya tha ki Android Devices me Whats app par Account kaise banate hai,Aur Android Devices par Whats app kaise Pryog(Use) karte hai?,Aaj main ish article par baat karunga ki kaise aap Whats app par Apni Messages,Audio,Video ka Beakup le sakte hai,Dosto Whats App ka Pryog Ab Lagbhag Har Insaan karta hai ,Aisa koi hi Insaan hoga jo whats app ka use nahi karta hoga Ish app ka Avishkar Brian Acton aur Jan Kaum ne 2009 me kiya tha,Iski popularity ko dekhte hue hi Facebook ne Whats app ko Brian Acton se Kharid liya,Ish app ki help se aap Message,Audio,Video,Location bhej sakte ho.

 Whats App Data Backup kyu Jarruri hai?:-

Dosto Whats app se Data Backup lena bahut hi jarruri hai,Kabhi-kabhi kuch messages bahut hi important hote hai jo mobile ko reset karne ke dauraan ya phir mobile chori ho jaane par hamare important Messages bhi delete ho jate hai.Main apna hi example deta hu maine 2013 se start kar diya tha Whats app chalana Pahle Main Nokia X2-01 me Whats app chalata tha,Aur Uske baad Maine Sony Experia E3 kharid liya,Jab maine Sony Experia E3 me Whats app Install Kiya to mere Purane sabhi Messages delete ho gaye the Bas kuch Group Show ho rahe the Jinme main Pahle se hi add tha,Ab Main Sony Experia E3 Me Whats use karne laga,Maine apna phone baar-baar restore kiya tha Kyuki Kuch din baad hi Android phone Hang hone lagte hai,Aur Mujhe baar-baar Whats App Download karna Padta tha aur jab bhi main Whats App Install karke open karta to pata ki mere sabhi Messages delete ho gaye,Meri sabhi previous Chats Delete ho jati thi mere ko ish chiz ka bahut Aphsosh hota tha mere ko jab Whats App Backup Tool ke baare me nahi pata tha mere ko Whats App Backup ke baare me August me pata laga aur Ab main Khush hu ki main apne Whats app ki sabhi Content ka backup bana leta hu,Ab mujhe koi chinta nahi hai,Ab main har month apne phone ko Restore kar deta hu Whats app Data backup banane ke baad.

Whats App par Data,Chat,Messages Backup kaise Banaye ?:-

(Whats app par Messages,Media backup kaise le ?) :-

Dosto maine Niche Steps likhe hai jinki help se aap easily Apne Whats App Data ka Backup le sakte hai.

Step 1:-Sabse pahle aap apni Whats app Open Karey.



Step 2:- Ab Right Corner me jo 3 Equal Dots hai Ush par Click karey.



Step 3:-Ab "Setting" par Click karey.



Step 4:-Ab "Chats" par click karo.



Step 5:-Chat par Click karne ke baad apko click karna hoga "Chat Backup" par.



Step 6:-Ab Account par Click karo,Aur Apni Gmail wali Email id aur Password fill karke "Sign in" kijiye,Ab "Back UP" par click karey jo Green Box me hai




 Step 7:-Ab apka "Data Backup" process start ho gaya hai,Aur Kuch hi der me Complete ho jayega.



Whats App Par Auto Download Images,Videos Kaise Band(Off) karey?:-

Dosto Whats sardard tab ban jaata hai jab automatic video,Images Group me se Download hone lagti hai aur hamara internet data bahut jald khatam ho jaata hai Aur hamare Phone ki memory full ho jaati hai,Aur Whats App Ka sabse bada nuksaan tab hota hai apko jab aap kisi Group me add hote ho aur ush group me  koi banda Adult Images aur Video Upload kar deta hai aur vo Apke Phone par Automatic download ho jaata hai,Jab apki family me se koi vyakti apke phone ko Uthakar Dekh leta hai to aapki negative Image Ban jayegi unki najar me.
Chalo Dosto ab main apko batata hu ki Whats app par random Images,Video Download  ko kaise roka jaaye?

Step 1:-Sabse pahle aap apna Whats App Open Karey.



Step 2:-Ab jo Right Corner me 3 White points hai ush par click karo.



Step 3:-Ab "Setting" par click karey.





Step 4:-Ab "data Usage" par Click karey.






Step 5:-Ab "When Using Mobile Data" par click karey.





Step 6:-Ab Images,Audio,Videos,Documents ko Unclick karke "OK" par click karey,Ab "When Connected on Wifi" par click karey,Images , Audio , Videos , Documents ko Unclick karke "OK" par click karey ,Ab  "When Roaming" par click karey,Images , Audio , Videos , Documents ko Unclick karke "OK" par click karey.


Ab aapne Successfully Whats app Automatic Download ko Off kar diya hai,Agar Dosto Apko Whats app Backup banane me ya phir Whats app automatic Download ko off karne me koi problem aa rahi hai to aap niche Comment kar sakte hai,Main Apki comment ka jald hi Jawab dunga,Agar apko Yeh article Achha laga ho to isko apne Dosto ke bhi sath Facebook,Twitter,Linkedin Etc. Social site par Share kar Sakte ho.

4 comments:

  1. Sachin Bhai Bahut Achha Article hai,Mujhe bhi nahi pata tha ki backup kaise banate hai,,,Ab maine bhi bana liya hai backup

    ReplyDelete